candy vs love birds:

మా ఇంటికి ఈ రోజు కొత్త అతిధులు వచ్చారు , వారి  రాక మా ఇంట్లో ఒకరికి, అస్సలు నచ్చడం లేదు . వచ్చిన వాళ్ళను తిరిగి పంపించలేము కదా! ఈ పాటికి మీకు అర్ధం అయ్యే ఉంటుంది ,candy  vs love birds అంటే ఏమిటో .
నా పాత టపాలు చూసిన వారికి తెలిసే ఉంటుంది . candy అంటే మా పెంపుడు కుక్క అనడం కన్నా, family member
అనాలి. ఇంట్లో దానిదే రాజ్యం . అందుకే పక్షుల్ని తీసికోనిరావడం దానికి అస్సలు ఇష్టం లెదు.
          రెండు రోజుల క్రితం ఆఫీస్ నుండి వస్తూ మావారు రెండు love birds తీసికొని వచ్చారు . మిట్ట మధ్యాహ్నం ఎండలో పెట్టి వాటిని అమ్ముతుంటే జాలి అన్పించి తీసుకోన్నారట . ఈ ఎండలకు మనమే తట్టుకోలేక పోతున్నాం . ఇంట్లో కాస్త  నీడలో పెట్టవచ్చు ,అని అనుకున్నారట .
         ఇక చూడాలి దాని అరుపులు . మేం వాటి దగ్గరకు ,వెడితే చాలు అరవడం మొదలు . వాటిని పలకరిస్తే దీనికి కోపం . కుక్క కు కోపమేమిటి ? అనుకుంటున్నారా? దానికి అన్నీ అర్ధం అవుతాయండీ! అది లేకుండా చూసి వాటిని పలకరించాల్సివస్తుంది . అది లేనపుడే వాటికి నీరు ,మేత పెట్టడం . చిన్న చిన్న పిట్టలు, ముద్దుగా ఉన్నాయ్.మొదటి రోజు ఈ అరుపులకు భయపడి, పంజరానికి అతక్కుపోయాయి . ఇపుడు చక్కగా అరుస్తూ ఒకదాన్ని ఒకటి ముక్కులతో పొడుచుకుంటూ ఆడుకుంటున్నాయి .